تمثال الهيبة بالـ 3D
سوّيناله تمثال من صورة وحدة، وبلا إذنه. لفّه بإصبعك، قرّبه، باوعه من كل الجهات... ما راح تلگه من ولا جهة يباوع عليك. حتى التمثال ما يلتفت.
دوس على النقط البرتقالية حتى تعرف أسرار الهيبة.
دروس حتى البنات يباوعن عليك (نظرياً)
نتائج الطلاب ويا البنات (سكرينات حقيقية والله)
Shubbarhub Premium — اختار باقتك يا بطل
الطالب الخطية
- تشوف الصور وتتحسّر
- تتعلم تكتب "هلو" بلا أخطاء إملائية
- تعليقات بلا هيبة
- ما يرد سلامك
- ممنوع تباوع عالبنات بالنظارة السودة
كاريزما بلس
- يرد سلامك (إذا مزاجه زين)
- يرد عالستوري مالتها بدالك
- شهادة مشاركة محد يعترف بيها
- 50 كابشن غامض لصور الغروب
- ما يعيرك النظارة
VIP شخصية فُل
- يعيرك النظارة السودة يوم كامل
- تگعد وياه بالسيارة 5 دقايق (بلا حچي)
- يوكف يمك بالصورة حتى البنات يباوعن (عليه، مو عليك)
- يكتبلك أول مسج بإيده
- ماكو ضمان ترد عليك، لا تحلم
الصورة بالطريق VIP مميز#000001أبو قطيفة، المشترك VIP المميز
أول واحد دفع $999,999 ودخل يمّ أحمد. صار يوكف گدام البناية الإدارية الساعة 2 بالضبط، لأن سمع البنات يطلعن من الدوام بهالوقت... طلع الدوام يخلص 3، والي طلعت الساعة 2 چانت المديرة.
- مسموح يلبس نظارة سودة بحضور أحمد (امتياز نادر)
- جاكيت قطيفة = عضوية ذهبية مدى الحياة
- الشارب مستورد من السبعينات، وصل بالشحن الجوي
- إيده عالدگمة حتى الجاكيت ما يهرب... مثل البنات
- يرد عالبنات بعد 3 أيام مثل أحمد بالضبط... بس محد يكتبله أصلاً
شركاؤنا بالهيبة
الصورة بالطريق شريك معتمدأبو معطف مدير قسم الشتاء والبنات الباردات
يلبس معطف بآب لأن وحدة گالت "أحب الولد الي يلبس معطف"... وطلعت تقصد أخوها. يشعل الجگارة 40 دقيقة ينتظرها تمر وتگله "التدخين مضر". محد گالتله، فصار يدخن علبتين باليوم.
الصورة بالطريق شريك معتمدالأسود الحزين مدير قسم البلوكات
لابس أسود بأسود من يوم الي سوّتله بلوك سنة 2021، وبعده بالحداد. يباوع يمين لأن بيت أهلها باليسار، وأخوها واكف بالباب ويا عصا.
الصورة بالطريق شريك معتمدشيخ المصاطب مدير قسم الانتظار
گاعد عالمصطبة من 2019 ينتظر رد عالمسج. الإيدين متكتفة، المصطبة صدّت، والبنت تزوجت وجابت توأم... وهو بعده ينتظر.
أسئلة تنسأل هواية
الكورس يضمنلي شخصية؟
لا والله. بس يضمنلك تعرف إنك بلا شخصية بشكل أوضح.
إذا خلصت الكورس، البنات يحبوني؟
يعرفون إنك موجود. بعدها الله كريم... وأخوها هم موجود.
شنو أكتب بأول مسج؟
لا تكتب. خليها هي تكتب. وإذا ما كتبت؟ هذا هو الدرس، تعلمت.
ليش البنات يباوعن على أحمد مو عليّ؟
لأن هو أحمد وانت انت. سؤال بعد؟
ليش الدروس كلها صور؟ وين المحاضرات؟
أحمد شبر ما يحتاج يحچي عيني. الصورة تحچي، والنظارة تكمّل الحچي.
اكو شهادة تخرج؟
اكو. بس لحد هسة محد تخرج. يمكن انت الأول (مستحيل).
اگدر أرجّع فلوسي؟
الي يطالب بفلوسه أصلاً ما عنده شخصية. الطلب مرفوض قبل لا تكتبه.
إذا اشتريت نفس النظارة، أصير مثله؟
جرّبها صاحبنا حيدر. صار يشبه واحد لابس نظارة. بس، خلصت السالفة.
شگد يطول الكورس؟
10 دروس. التطبيق طول العمر. النتيجة؟ الله كريم.
شلون أعرف إن صارت عندي شخصية؟
إذا دتسأل هالسؤال، معناها بعد ما صارت.